പരാതി പരിഹാര സംവിധാനങ്ങൾ
1 തദ്ദേശ ഒംബുഡ്സ്മാൻ
OMBUDSMAN FOR LSGIs
തദ്ദേശ സ്ഥാപനങ്ങളിലെ ജനപ്രതിനിധികൾക്കോ ഉദ്യോഗസ്ഥർക്കോ എതിരെയുള്ള അഴിമതി, ക്രമക്കേട്, അധികാര ദുർവിനിയോഗം, കർത്തവ്യവിലോപം എന്നിവയെക്കുറിച്ച് പരാതി നൽകുന്നതിനുള്ള സംവിധാനമാണ് തദ്ദേശ ഒംബുഡ്സ്മാൻ.
2 തദ്ദേശ ട്രൈബ്യൂണൽ
LSGI TRIBUNAL
പഞ്ചായത്ത് ഭരണസമിതിയോ സെക്രട്ടറിയോ എടുക്കുന്ന തീരുമാനങ്ങൾ, ഉത്തരവുകൾ, ലൈസൻസ് നിഷേധിക്കൽ, കെട്ടിട നിർമ്മാണ പെർമിറ്റ് റദ്ദാക്കൽ തുടങ്ങിയ വിഷയങ്ങളിൽ അപ്പീൽ നൽകുന്നതിനുള്ള നിയമപരമായ സംവിധാനമാണ് തദ്ദേശ ട്രൈബ്യൂണൽ.
3 മുഖ്യമന്ത്രിയുടെ പോർട്ടൽ
CMO PORTAL
പഞ്ചായത്ത് സേവനങ്ങളിൽ ഉണ്ടാകുന്ന കാലതാമസമോ മറ്റ് ബുദ്ധിമുട്ടുകളോ ഓൺലൈനായി മുഖ്യമന്ത്രിയുടെ ശ്രദ്ധയിൽ പ്പെടുത്തുന്നതിനുള്ള സംവിധാനമാണ് മുഖ്യമന്ത്രിയുടെ പരാതി പരിഹാര പോർട്ടൽ.
4 കെ-സ്മാർട്ട് പോർട്ടൽ
K-SMART CITIZEN PORTAL
തദ്ദേശ സ്വയംഭരണ വകുപ്പിന്റെ ഓൺലൈൻ ഏകജാലക സംവിധാനമാണ് കെ-സ്മാർട്ട്. പഞ്ചായത്ത് ഓഫീസിൽ നേരിട്ട് എത്താതെ തന്നെ വിവിധ സേവനങ്ങളുമായി ബന്ധപ്പെട്ട അപേക്ഷകളും പരാതികളും ഓൺലൈനായി സമർപ്പിക്കാനും അപേക്ഷയുടെ പുരോഗതി പരിശോധിക്കാനും സാധിക്കും.
5 വിജിലൻസ് വിഭാഗം
VACB
കൈക്കൂലി ആവശ്യപ്പെടൽ, സാമ്പത്തിക ക്രമക്കേടുകൾ, സർക്കാർ ഫണ്ട് ദുരുപയോഗം ചെയ്യൽ തുടങ്ങിയ വിഷയങ്ങളിൽ വിജിലൻസ് ആൻഡ് ആന്റി കറപ്ഷൻ ബ്യൂറോയ്ക്ക് പരാതി നൽകാവുന്നതാണ്.
ഒന്നാം ഘട്ടം – പഞ്ചായത്ത് തലം
പഞ്ചായത്ത് സെക്രട്ടറി / പ്രസിഡന്റ്
പ്രാദേശികമായ തർക്കങ്ങൾ, അപേക്ഷകളിലെ താമസം, പഞ്ചായത്ത് സേവനങ്ങളുമായി ബന്ധപ്പെട്ട പരാതികൾ എന്നിവയ്ക്ക് ആദ്യം പഞ്ചായത്ത് തലത്തിൽ പരാതി നൽകി പരിഹാരം തേടാവുന്നതാണ്.
രണ്ടാം ഘട്ടം – ജില്ലാ തലം
ജോയിന്റ് ഡയറക്ടർ / ഡെപ്യൂട്ടി ഡയറക്ടർ (LSGD)
പഞ്ചായത്ത് തലത്തിൽ പരാതി പരിഹരിക്കപ്പെടാത്ത സാഹചര്യത്തിൽ ബന്ധപ്പെട്ട ജില്ലാ തല ഉദ്യോഗസ്ഥരെ സമീപിക്കാവുന്നതാണ്.
മൂന്നാം ഘട്ടം – നിയമപരമായ തലം
ഒംബുഡ്സ്മാൻ / ട്രൈബ്യൂണൽ
നിയമപരമായ ഇടപെടൽ ആവശ്യമായ വിഷയങ്ങളിൽ ബന്ധപ്പെട്ട നിയമപരമായ സംവിധാനങ്ങളെ സമീപിക്കാവുന്നതാണ്.