റാന്നി
പെരുനാട് ഗ്രാമ പഞ്ചായത്ത്

പെരുനാട് പൗരാണിക മഹത്വവും ചരിത്രപ്രാധാന്യവും നിറഞ്ഞ നാടാണ്. രാമായണവുമായി ബന്ധപ്പെട്ട നിരവധി ഐതിഹ്യങ്ങൾ ഇവിടെ പ്രചാരത്തിലുണ്ട്. ശ്രീരാമനും ലക്ഷ്മണനും സീതയെ അന്വേഷിച്ച് ശബര്യാശ്രമത്തിലെത്തിയതും പിന്നീട് കിഷ്കിന്ധയിലേക്കു പോയതുമാണ് പുരാണകഥകളിൽ പറയുന്നത്. സീത ഈ വിശാല പ്രദേശത്തെ “പെരുത്തനാട്” എന്നു വിശേഷിപ്പിച്ചതിൽ നിന്നാണ് “പെരുനാട്” എന്ന പേര് ഉണ്ടായതെന്ന വിശ്വാസമുണ്ട്. പഞ്ചായത്തിലെ “കിസുമം” പ്രദേശം രാമായണത്തിലെ കിഷ്കിന്ധയാണെന്നും പറയപ്പെടുന്നു. ശബരിമല ഉൾപ്പെടെയുള്ള ശാസ്താക്ഷേത്രങ്ങൾ ഒരുകാലത്ത് ബുദ്ധവിഹാരങ്ങളായിരുന്നുവെന്ന ചരിത്രകാരന്മാരുടെ അഭിപ്രായവും ശ്രദ്ധേയമാണ്. ലോകപ്രശസ്ത തീർത്ഥാടനകേന്ദ്രമായ ശബരിമല പെരുനാടിന്റെ അഭിമാനചിഹ്നമാണ്. ബ്രിട്ടീഷ് കാലത്ത് തോട്ടമേഖലകളുടെ പേരിൽ നാട്ടുകാരെ കുടിയിറക്കിയതിനെതിരെ ശക്തമായ സമരങ്ങൾ നടന്നിരുന്നു. വെളുത്താലിക്കുടി ശങ്കരന്റെ സമരം ബ്രിട്ടീഷുകാർക്കെതിരായ ജനകീയ പ്രതിരോധത്തിന്റെ...